BILBAO BARRUETABEÑA, LEIRE
Animalia handia eta animalia txiki baten arteko harremanaz mintzo da. Sinbiosio harreman horretan eroso aurkitzen dira bata eta bestea. Lotura horretan gatazka bat azalduko da ordea. Txikiak handia bezalakoa izan nahi du, bere lengoaia erabili nahi du. Ohartzen den arte, ahaztu egin dela bere barrura begiratzeaz. Bere mintzoa aurkitzeaz.
Moko txikidun txori txikia hipopotamoaren bizkarrean bizi da. Hortik aurrera, irakurleak berehala identifikatuko du txikiaren eta handiaren garapena, ilustrazioak ikusi hutsarekin.
Tamaina eta koloreen erabilera irizpide zorrotzez erabiltzen du ilustratzaileak marrazkiak irakurriaz bakarrik istorioa ulertu aldera. Bestalde, narrazioa bere laburrean esaldi poetiko eta jostalariekin ondu da.
