ALEGRIA LOINAZ, IÑAKI / PEREZ DE VIÑASPRE GARRALDA, OLATZ / SARASOLA GABIOLA, KEPA
Liburu hau ez dugu sortu Python lengoaiaren xehetasun guztiak eta zehaztasun osoz deskribatzeko, ikasteko material motibatzailea eskaintzeko baizik. Adibideak ikustea, probatzea eta horien hobekuntzak programatzea baita ikasteko metodorik onena. Liburuko ariketa guztien kodea hemen lor dezakezu: http://www.unibertsitatea.net/blogak/python Python lengoaia sinplea, ulergarria eta ahaltsua da. Lengoaiak bere barruan dakarren funtzionaltasuna ez da oso zabala, baina oso erraza da oinarrizko muin hori zabaltzea. Erraz aurkitzen dira sarean programa ahaltsu asko, eta gehienetan lizentzia libre batekin. Python software libre eta irekia da eta enpresa handi askotan erabiltzen da: Google, Yahoo, CERN, NASA... Algoritmikaren oinarrizko kontzeptuak ezagutzen ez badituzu, hori ikasi beharko duzu lehenago beste liburu batekin, liburu hau ez baita egokia hutsetik abiatuta programatzen ikasteko. Ikasi nahi duzu ping-pong jokoa sortzen? Internetetik testuak jaso eta lantzen? ...
